Ахметжанова Аружан Арманқызы, 1-класс СКО г. Петропавловск КГУ "Гимназия "БЭСТ"
Жалқау тырна
Ертеде тырналар өмір сүріпті. Олардың балалары тырна өте жалқау болыпты. Ата-анасы жұмсаса бармайды, өз бетінше бір нәрсені істеуге талпынбайды. Тек тамақ ішіп жата беріпті. Оған көршілері, достары жалқауланба, одан да еңбектеніп үйрен десе, жоқ менің ата-анам маған бәрін өздері дайындап береді. Мен несіне қиналамын дейтін көрінеді. Сөйтіп, жаз өтеді. Күз келеді. Барлық тырналар жылы жаққа жиналады. Өйткені қыстап қалу тырналар үшін қауіпті еді. Тырналар ұшуға қамданса, жалқау тырнаның ұшуға күші жетпейді. Өйткені ол жаттықпаған еді. Ол сол кезде өзінің ісіне өкінді. Жалқаулық еш пайда бермес!

Сабыр Іңкәр Едігеқызы, 1-класс СКО г. Петропавловск КГУ "Гимназия "БЭСТ"
Ертегі
Жыл мезгілдері
Ерте, ерте ертеде, бір Жыл деп аталатын қария өмір сүріпті. Қарияның төрт қызы бар екен. Олар өте сұлу қыздар болыпты.
Анасы оларға жақсы тәрбие беріпті. Ең үлкен қызының аты «Көктем». Ол ақ жарқын, өте нәзік екен. Екінші қызы «Жаз» жарқыраған, жайдарлы, әр уақытта күлімдеп, нұрын шашып жүреді. Үшінші қызы «Күз», бірақ ол жылай бергендіктен жаңбыр жауа береді екен. Ал кіші қызы «Қыс» салқын, қатал болыпты.
Қыздар ер жетіп, ақылды болып өсіпті. Бір күні қарияның қыздары тұрмыс құрыпты. Енді олардың әрқайсысының өз балалары болыпты. Үлкен қызы Көктемнің Наурыз, Сәуір, Мамыр деген сұлу қыздары болыпты. Ал Екінші қызы Жаздың Маусым, Шілде, Тамыз деген ақылды кішкентай қыздары бар екен. Бұл қыздар жер бетіне жан жылуын сыйлай білетін мейірімді қыздар атаныпты. Оларды барлық адамзат, аң біткеннің бәрі жақсы көріпті.
Күздің Қыркүйек, Қазан, Қараша деп аталат ... Читать дальше »

Сабыр Іңкәр Едігеқызы, 1-класс СКО г. Петропавловск КГУ "Гимназия "БЭСТ"
Ертегі
Мақтаншақ қарға
Ерте заманда бір қарға өмір сүріпті. Қарға асқан әнші болыпты. Оның дауысына, әніне бәрі таңғалыпты. Ол күнде өзінің әнін айтып, әлемде ешбір құс дәл солай ән сала алмайды деп мақтаныпты. Қарға күнде көлдің жағасына келіп өзінен асқан сұлу құс және керемет әнші жоқ деп мақтанады екен. Бірде суық күз мезгілі кепті. Қарға тағы ән салып болыпты да, көлдің жағасына келіп судан өз бейнесін көріп менен асқан әнші құс, менен асқан әдемі құс жоқ деп мақтанады. Сол кезде байқамай қалып суға құлап кетеді. Мұздай суға батыпты. Оны бақалар құтқарады. Содан бастап қарғаның тамағы ауырып, ән сала алмай дауысы қарлығып қарқ-қарқ деп қана айта алады екен. Қарға мақтанудың еш пайдасы жоқ екенін сонда ғана түсініпті.

Сабыр Іңкәр Едігеқызы, 1-класс СКО г. Петропавловск КГУ "Гимназия "БЭСТ"
Жарқыраған ЭКСПО
Мен екінші сыныпқа көштім. Бізге ұстазымыз ЭКСПО жайлы айтып берген. Сол кезде біз қатты қызықтық. Мен Астанаға ЭКСПО-ны көруге қатты асықтым. Сосын ата-анаммен жазғы демалыста барып қайтқым келді. Маған ЭКСПО қатты ұнады. Онда өте үлкен шар бар. Оның ішінде керемет таңғажайыптар бар. Анам маған бұл шар Қазақстанның мақтанышы, онда Қазақстанның жеткен жетістіктері бар екенін айтты. Сосын біз басқа елдердің павильондарын араладық. Олардың іштері өте әдемі. Тайланд жерінің павильоны қатты ұнады және анама да. Онда қызықты видеоларды көрдім, сосын сол жерде тегін массаж жасайды екен. Басқа ұлттың адамдарымен таныстық. Олар өте мейірімді. Оларға біздің еліміз өте ұнапты, себебі бізде барлық халықтар бір-бірімен өте дос. Біз бір күн бойы жүрдік. Мен ЭКСПО-ға қатты қуандым, себебі ол біздің Қазақстанда. Біздің сүйікті қаламыз Астанада.

Сабыр Іңкәр Едігеқызы, 1-класс СКО г. Петропавловск КГУ "Гимназия "БЭСТ"
Сүйкімді мысық
Заринаның сүйкімді мысығы болды. Сүйкімді мысық өте әдемі, ақылды еді. Бір қызығы сүйкімді мысық кез келген уақытта көмек бере алатын. Себебі ол сиқырлы мысық еді. Зарина мысығын қатты жақсы көрді. Бір күні Зарина ауырып қалды. Оның көңіл-күйі болмады. Ал сүйкімді мысық болса, Заринамен ойнағысы келді. Ол Заринаның ауырғанын көріп қатты мұңайды. Оған көмектескісі келді. Сөйтіп, сиқырлы мысық Заринаны құшақтап еркелеп еді, сол сәтте Зарина тез тәуір бола қалды. Міне, қызық! Сүйкімді мысық сен қандай керемет едің!

Сабыр Іңкәр Едігеқызы, 1-класс, СКО г. Петропавловск КГУ "Гимназия "БЭСТ"
Ертегі
Күн мен Ай
Баяғы заманда бір ананың екі сұлу қызы болған екен. Олар екеуі де өте сұлу, ақылды болыпты. Анасын екеуі үнемі қуантып жүріпті. Екеуі бір-бірімен ренжіспейді екен. Бәрін бірге бөлісіп, бір-бірімен бірге ойнаудан ешқашан жалықпапты. Олардың есімдері Күн және Ай екен. Күн өте жылы шырай, мейірімді болса, Ай жарқыраған, жайдары екен. Халық екеуінің достығына таңғалып сүйсініп жүреді екен. Бірде анасы екі қызын қуантқысы келіп оларға көйлек сатып алмақшы болады. Көйлекті тек Күнге алыпты, себебі тағы бір көйлек алуға ақшасы балмапты. Бірақ анасы Айға да көйлекті келесі жолы сыйлаймын деп ойлайды. Үйге келген соң, Күн көйлегін киіп көріпті. Ал бұл Айға ұнамай қалыпты. Ол қатты ашуланып, анасын және әпкесі күнді ренжітеді де кетіп қалады. Бірақ сосын қателігін түсінеді. Ол осы қателігінен ұялып енді күндіз ешкімге көрінбей түнде ғана шығады екен. Ол әпкесі Күнді есіне алып сағынып ... Читать дальше »