Көреген ата. Ризабек Өмірхан Ризабекұлы, № 17 орта мектеп-кешені, Солтүстік Қазақстан облысы Петропавл қаласы - 25 Декабря 2012 - Академия сказочных наук

Суббота, 2024-04-20, 1:46 AM

Приветствую Вас Гость

Главная | Регистрация | Вход | RSS

Академия сказочных наук

Главная » 2012 » Декабрь » 25 » Көреген ата. Ризабек Өмірхан Ризабекұлы, № 17 орта мектеп-кешені, Солтүстік Қазақстан облысы Петропавл қаласы

10:50 AM

Көреген ата. Ризабек Өмірхан Ризабекұлы, № 17 орта мектеп-кешені, Солтүстік Қазақстан облысы Петропавл қаласы

Ерте, ерте, ертеде кең далада бір тамаша ұлттың адамдары өздерінің қонысын қондырыпты. Бұл елдің адамдары татулықты, бірлікті, сыйластықты ұнатады екен. Осы ұлттан туған балалар өте кішіпейілді, еңбексүйгіш және ақылды болып дүниеге келеді екен. Елдің табиғаты өте көркем жері байлыққа толы болыпты. Бұл елге келген қонақтарының көзі алқызыл гүлге оранған даласына, қалың қарағайлы, шыршалы орманына, көгілдір шыңды таулары мен сарқырай аққан өзендеріне қараудан, қызығудан ешуақытта да жалықпапты. Жері құнарлы өзінің халқын да, өзге елдердің халқын да пұт-пұт астығымен асырайды. Мыңғыраған малы, өнерлі, көркем ұл қыздары бар ел өте ауқатты өмір сүріпті. Елде ақылды, көрегенді қариялары да аз емес екен. Сол елдегі көрегенді бір қарт ата алыстағы, болашақтағы уақытты болжап, болашағын айтып береді екен. Сол атаның айтуынша осы елде XX ғасырда дүниеге бір ұл келеді. Ол керемет ақылды болып, елін жоғары көтереді. Елді өзі басқаратын болады. Ол басқарған елдің тұрмысы бұрынғысынан да тамаша болып, жер бетінде қанша ел болса, сол елдердің ішіндегі алдыңғы елдердің бірі болады. Елінің елдік белгілері болып, халқының бірлігі нығая түседі. Жастары оқыған, өндірісі дамыған тілі сақталаған тамаша ел болады. Өзге елдер туындаған қиындықтардан қалай шығамыз деп жатса, бұл елдің жаңағы басқарушы ұлы жасампаздығын жариялап, болашағының қазығы нығыз мықты болуы үшін бағыт, бағдар белгілеп беріп отырады. Оған басқа елдер таңданатын болады деген екен. Қалай ойлайсың, құрбым, бұл ертегіде қандай ел туралы айтылып отыр? Ертегімді мен аяқтаймын. Құрбылар, сендер шешуін тауып, осы ел үшін бірге мақтаныңдар.